Школяре школи  ,,Петро Кузмяк“ през ярнї розпуст препутовали Италию-Французку-Шпанию, а тоту драгу орґанизовала туристична орґанизация Ґранд турс зоз Нового Саду- субаґент Стар турс зоз Кули. Ґрупу провадзели професорки Єлена Миркович, Рената Зорич, Драґана Ґачеша и Лїляна Фина. У тей нагоди обишли у Италиї город Венецию и зоз водичом знаменїтосци:  площу св. Марка як и церкву пошвецену истому святительови, Цемнїцу, Мост  Здихованя, Дуждову палату, мост Риалто, церкву Санта Мариа делла Салуте,…У Шпаниї Льорет де Мар и Барселону, а зоз водительом обишли: Саґрада Фамилию, Ґуельов парк, Триюмфалну капуру, хижу Батльо, Касу Мила, стадион Ноу Камп, брег Монжуик, Олимпийски стадион и шпацирали ше по Рамбли. У Французкей обишли зме Кан, Ницу, Монако, Монте Карло и на концу ознова у Италиї Сан Ремо, Милано и прекрасну Верону. Зоз едукацию и прекрасне друженє прешло и тогорочне путованє.