Керестурски школяре шестих класох 12. децембра 2018. року мали нагоду нащивиц Француски институт у Беоґрадзе на поволанку професора Стевана Йокича. Тоту нагоду вихасновали же би презентовали свой проєкт “Робот чистач”, хтори обдумали на секциї роботики, а у корелациї зоз предметом чуваре природи. Школяре шестих класох вєдно зоз своїма професорками Наталию Будински и Єлену Миркович мали нагоду участвовац у велїх интересантних роботньох и преподаваньох, а на тему защити животного околїска. Тиж, тому збуваню присуствовал и його екеселенция француски амбасадор Фредерик Мондолони, так же школяре вихасновали нагоду представиц свою школу, як и тото цо научели на секциї.