Стреду 7. новембра 2018. року предсидатель Влади Републики Сербиї Ана Брнабич отримала Скайп годзину зоз школярами штвартей класи ґимназиї и школярами туристичного наприяму школи Петро Кузмяк зоз Руского Керестура, општина Кула.

Годзину иницировала и орґанизовала професорка Наталия Будински, а циль годзини бул информованє о роботи премиєра през бешеду зоз премиєрку.

Школяре ше интересовали же котри то жадлуженя премиєрки и єй кабинету, як ше приноша одлуки у Влади, на котри способ гражданє можу провадзиц роботу Влади, як и о активносцох хтори Влада орґанизує а дзе би ше могли уключиц и школяре.

Предсидателька Влади у бешеди зоз школярами наглашела же образованє и диґитализация ключни приоритети Влади Сербиї и же то основа за дальши розвой друштва.

Школяре “Скайп” апликацию вихасновали як добре наставне средство.

Окрем знаня, школяре на тот способ розвиваю и комунакацию, диґитални компетенциї, як и тимску роботу.

Годзини присуствовали професоре, началньнїк и просвитна совитнїца зоз школскей управи Сомбор, як и представнїки локалних медийох.