У шветочней сали ґимназиї и економскей школи „Светозар Милетич“ у Србобрану Отримани сход штредньошколцох. На сходу були орґанизовани рижни активносци – роботнї „Виробок сувенирох и украсних Предметох зоз декупаж технїку“ и „Як квалитетно препровадзиц шлєбодни час“, друженя и заєднїцки полудзенок.

Проєкт хтори подпомогнути з боку Покраїнского секретарияту за образованє, до Србобрану приведол школярох зоз Вербасу и Руского Керестура. Ґимназиялци зоз шицких трох школох вєдно украшовали дунци зоз декупаж технїку, же би достали уникатни уметнїцки предмети.

После законченей креативней роботнї шлїдзела друга часц друженя, односно роботня у хторей требло же би школяре зоз трох школох розменьовали интересованя. Главна тема була шлєбодни час младих особох, односно як креативно тот час потрошиц, а бешедовало ше и о сотруднїцтве школярских парламентох и можлївосцох хтори пред нїма и як их вихасновац.