Во второк у орґанизациї Центра за социялну роботу општини Кула отримани фахови сход на тему : „Поступанє центра за социялну роботу при орґанизованю помоци и потримовки фамелиї у случайох дзе постої ризик од премесцаня “.

Циль тей програми то обезпечованє нєобходних условийох за применьованє Конвенциї о правох дзецка и одвитуюцих националних и медзинародних правних актох, хтори ше одноша на защиту найлєпшого интереса дзецка у ситуацийох звекшаного ризика од злохаснованя, за нєдзбованя и премесцаня дзецох зоз фамелиї. Програма значно доприноши змоцнєню капацитета фаховцох же би давали ефикаснєйшу потримовку дзецом и їх фамелийом, односно лєгчейшому препознаваню дзецкових потребох и наставаня ризика, розуменю статуса и виволаня у функционованю фамелиї и ефикаснєйшому даваню потримовки.

Програма обуки акредитована при Републичним заводзе за социялну защиту, а реализує ше зоз помоцу Здруженя фахових роботнїкох социялней защити Републики Сербиї. Водителє и викладаче були авторе програми, а учашнїки були фахово сотруднїки зоз Центра за социялну робот у општини Кула, як и представителє (педаґоґове и психолоґове) шицких основних и штреднїх школох, предшколских установох и локалней самоуправи зоз нашей општини.

Кед ше обука закончела, заключене же орґанизованє таких сходох давана йлєпши приступ у спатраню и ришованю проблема у обласци фамилийно правней защити, як и розвиваню медзи секторного сотруднїцтва на уровню нашей локалней заєднїци.