РУСКИ КЕРЕСТУР/НОВИ САД – Матуранти рускокерестурскей Школи „Петро Кузмяк” нєшка нащивя Саям образованя у Новим Садзе, а єй представителє и одредзени преподаваня на Сайме нащивя и 9. марца.

Нєшка на Саям пойдзе єден автобус матурантох Ґимназиї и напряму Туристични технїчар зоз професорами, а одход им финансує Покраїнски секретарият за образованє, предписаня и национални меншини.

И на ютре на Саям пойдзе делеґация у хторей буду тройо школяре штредньошколци и двойо професоре, а тема того дня будзе „ПИСА тестованє у процесох модернизациї воспитно-образовней системи”.

З тей нагоди Керестурци нащивя преподаванє хторе орґанизує Покраїнски секретарият за образованє на тему „Виволаня сучасного образованя” и МЕНСА преподаванє „Талантовани и образованє”.