Дня 25.02.2017. року (собота) догварена нащива 39. Медзинародному сайму туризма у Беоґраду почим тот дзень уход за школярох и наставнїкох задармо. Нащива сайму туризма предвидзена кажди рок зоз планом роботи школи за образовни профил туристични технїчар и приказана є у дновнїку за тот дзень як реализованє настави у блоку зоз аґенцийного и готелиєрского тарґованя.

Шицки школяре того профилу од першей по штварту класу мали обовязку нащивиц саям туризма почим кажде одзелєнє достава окремни задатки котри зоз прибавеного рекламного материялу ма обробиц и презентовац на годзинох блок настави.

Нащива сайму туризма тирвала од 10,30 до 13,30 годзин, а потим орґанизована нащива Етноґрафскому музею у Беоґраду и нащива тарґовинскому центру на Ушчу до 18 годзин.

Професоре хтори були на сайму: Н.Пєешчич, В.Бачич, Є.Миркович, Р.Зорич, А.Войчена, Е.Чапко и М.Надь