У Беоґрадзе пондзелок отримана Конференция за инклузивне образованє котру орґанизовало Министерство просвити, УНИЦЕФ зоз потримовку делеґациї Европскей униї у Сербиї.

На конференциї було прейґ 200 учашнїкох, приношительох одлукох у обласци образованя, експертох у обласци инклузиї, представнїкох локалних заєднїцох и академски и виглєдовацки орґанизациї.

Учашнїки з нашей школи були Лїляна Рудакиєвич и Ґордана Банатски, вєдно зоз свою менторку Отилию Велисек Браско. Вони заинтересованим учашнїком конференциї представели отримуюци резултати проєкта „Учме шицки вєдно” през котри школа розвила капацитети за конкурованє за здобуванє статусу модел установи у обласци инклузивного образованя.

Представнїци школи мали нагоду бешедовац и зоз Биляну Барошевич, помоцнїцу министра за роботу, социялни и борецки питаня и єй сотруднїцами котрим представели иновативни инклузивни пракси школи.