Нашо школярки и вчера мали нагоду робиц у розличних готелских службох, упознац ше з новима роботнима процесами и усовершовац свойо схопносци. Їх ошмихи шицко гуторя – и вони и роботнїки у готелу презадовольни!

После полудзенку зме обишли импозантну церкву Agia Sofia дзе нас водзела наша фахова водзачка Joannа. Тота знаменїта церква, котра инспирована з истоменову базилику у Истанбулу, походзи з 8. вика и часц є UNESCO-вого шветового нашлїдства. Єй богата история и прекрасни фрески охабели красни упечаток на нас.

Солун нас одушевює на каждим крочаю!