Вилєт за наградзени школи реализовани 13. 9. 2021. року у рамикох еколоґийного проєкту „За чистейши и желєнши школи у Войводини”. У тим проєкту наградзени 49 школи медзи хторима и „Петро Кузмяк” зоз Руского Керестура.
На вилєт пошли дзеветнацецеро школяре зоз керестурскей школи, провадзели их штверо наставнїки, а на драгу ше им приключели и школяре зоз Кули з основней школи „Петефи бриґада” хтори тиж достали тоту награду.
На вилєт ше рушело спред школи на 8 годзин рано. По змесцованю до автобуса и преверйованю чи шицки присутни, рушело ше на драгу. На 10 годзин ше сцигло до Сримских Карловцох, точнєйше, на Стражилово. Там нас дочекали водителє зоз Руху ґоранох Войводини котри нас одведли на шпациранє ґу Бранковому памятнїку. После шпацираня була отримана роботня „Глєданє природи” у националним парку Фрушка гора. Шлїдзели после полудзенок у природи, як и шлєбодни час. После того ше ишло на туристичне обиходзенє Сримских Карловцох и до нащиви Еколоґийного центру „Радуловачки”, дзе нам о значних обєктох приповедал туристични водзач. После того ше пошло на Дунай дзе було орґанизоване воженє на катамарану по Дунаю и у рамикох тей часци ше робела роботня „Упознай Дунай”.
После сумированя упечаткох у позних пополадньових годзинох ше рушело дому. Школяре цали час у автобусу задовольно коментаровали тот єднодньови вилєт, та аж и закончели путованє зоз шпиванку.