Пондзелок, 7. октобра, у цеку дзецинского тижня отримани  математични квиз »ЗАБАВНА МАТЕМАТИКА» за дзеци трецей и штвартей класи основней школи. У квизу попри дзецох з Керестура, участвовали и дзеци з Коцура.

През рижно формуловани математични задатки, дзеци ше визначели зоз своїм способом ришованя истих и обидва екипи були єднак добри зоз чим и виполнєни мото дзецинского тижня, а глаши „Най права частейше кажде дзецко ужива лєгчейше “. Як и каждого року, и того зме заш лєм мали екипу хтора ше дакус баржей визначела, а то екипа зоз Руского Керестура , хтора ше вєдно зоз учительками  цешела у побиди.

Математични квиз ше отримує уж єден час, а пририхтали го Оґнєн Дудаш, Сара Мармила, Марко Буила и Тереза Будински, школяре штвартей и Марина Надь школярка трецей класи штреднєй школи “Петро Кузмяк” зоз свою професорку математики Леону Сабо. Помогла им и професорка Оливера Винаї хтора порихтала микробити.