Всоботу, 17. юния, у Основней школи „Петефи бриґада” у Кули, отримане „стретнуце учительох” котре орґанизовал ДУОК, на котрим присуствовало вельке число учительох и наставнїкох зоз основних школох кулскей општини. Преподаванє о инклузиї и почежкосцох дзецох у розвою отримал дефектолоґ Марко Кошутич. После уводного преподаваня були отримани пейц розлични роботнї, од котрих єдна була пошвецена култури и традициї Руснацох. Тоту интересантну и едукативну роботню орґанизовала и водзела наша колеґиня, учителька Веруна Медєши. Присутни могли упознац даєдни од обичайох Руснацох и участвовали у виробку даєдних облєчивох (шапки)… Зоз коментарох котри написали видзи ше же учашнїки роботнї були задовольни, а тото цо однєсли зоз собу у каждим случаю едукативне и хасновите.