З нагоди Шветового дня туризму у голу школи отримана углядна годзина под назву „Шветово метрополи у служби туризму”. Годзину орґанизовали професорки аґенцийного и готелиєрского водзеня роботи Єлена Миркович и Рената Зорич у оддзелєню II-3 напряму туристично готелиєрски технїчар, а тоту годзину нащивели и школяре з других оддзелєньох.
Школяром приказани видео знїмки шветових метрополох, а потим школяре през забавни квиз преверели свойо знанє у познаваню тих туристичних знаменїтосцох.