Стретнуце рецитаторох, як часц културней манифестациї „Костельникова єшень”, отримане соботу, 13. новембра, у голу Основней школи „Петефи бригада” у Кули. На тим традицийним стретнуцу, попри рецитаторох зоз Коцура, Бачкей Тополї и Дюрдьова, участвовали и седмеро рецитаторе зоз нашей школи, хтори у тим року були найуспишнєйши у своїх возростох. Так у младшим и штреднїм возросту нашу школу и Руски Керестур представяли: Доротеа Рамач, Исак Новта, Яна Варґа, Ема Живкович и Иван Планчак. У старшим возросту рецитовали ґимназиялки Минеа Югас и Валентина Новта. За наступ их пририхтали фахово руководителє: Оленка Живкович, Мирослав Малацко и Наталия Зазуляк.