Наша школа и школяре прешлого тижня вигосцели школярох Школи за дизайн текстилу и скори у рамику проєкта Фондациї Ани и Влади Дивац под назву „Славиме рижнородносц”. Циль проєкту же би повязал младих зоз териториї Сербиї и змоцньованє у обласци мултикултурализму. Наша школа ма тоту чесц и задовольство же є вибрана до 10 школох котри участвую у проєкту и же ище раз указала же ма цо понукнуц кед у питаню проєкти на националним уровню.

Афродита, Далия, Лазар и Дарис зоз професорку Єлену були нашо мили госци котрим зме указали нашу школу и заєднїцу, и котрих зме упознали зоз руску, алє и войводянску културу. Мали нагоду нащивиц годзину руского язика, потим церкву и месну заєднїцу, алє и вариц руски єдла. Школяре були и на кратким вилєту у святилїщу Водица, а за конєц мали обучованє о поднїмательству котре отримали нашо школяре и подзелєли свойо знанє о тей теми котре здобули на Еразмус черанки у Болонї. Понеже поднїмательство важна тема, вєдно зме нащивели єдну приватну фирму котра продукує мебель.

Було нам жаль кед зме ше розиходзели, алє у септембру нашо школяре путую до Нового Пазару, дзе буду мац нагоду упознац ше зоз тамтейштима звичаями.