Европски економски и социялни комитет (ЕЕСК) вибрал основну и штредню школу «Петро Кузмяк» зоз Сербиї за участвованє на конкурсу «Твоя Европа, Твой Глас» (Your Europe Your Say — YES) 2017. року у Бриселу, рочней скупштини младих комитету хтори розпатра главни почешкосци котри стоя пред Европу.

Було прейґ 680 прияви, а на отвореним вицагованю вибрани 33 школи — по єдна зоз 28 жемох членох ЕУ и по єдна зоз жемох кандидатох за ЕУ (Албания, Бувша Югославянска Република Македония, Чарна Гора, Сербия и Турска).

Конкурс «Твоя Европа, Твой Глас» за 2017. рок, хтори ше иншак орґанизує з нагоди 60. рочнїци Римского контракту, оможлїви младим нагоду предложиц ришеня за найвекши политични виволаня зоз хторима ше Европа стрета. Кажда школа пошлє делеґацию од трох школярох старосци 16 до 17 роки и єдного наставнїка до Бриселу же би участвовали на сходу младих 30-31. марца 2017. Школяре буду дебатовац и гласац о политичних виволаньох зоз котрима ше стрета ЕУ и буду предкладац свойо ришеня.

Зоз тоту инициятиву ЕЕСК, глас дружтва, сце оможлївиц же би ше искуства и идеї младих ґенерацийох чули у правеню политики ЕУ.

Нашу школу и Републику Сербию буду представяц тоти школяре: 3-1 Дорис Бучко, 4-2 Ґавра Алексич и 3-3 Вукасин Делич. Припреми за скупштину у цеку, а школяре путую 30. марца и врацаю ше 1. априла.