У цеку тижня на годзинох вежбох школяре штвартого року напряму туристично-готелиєрски технїчар, зоз наставнїцами Миркович Єлену, Милянич Бояну и Зорич Ренату, пририхтовали и реализовали туру за шпациранє по Руским Керестуре за младших Кузмяковцох.

⁣Диждж им нє допущел же би до шпацираня уключели и школярох першого року, так же вони обдуману драгу прешли виртуално зоз хаснованьом Google мапох котри матуранти пририхтали як часц того практичного задатку.⁣

Кед слунко заменєло диждж, матуранти орґанизовали обдумане шпациранє и зоз школярами другого року напряму туристично-готелиєрски технїчар и у сотруднїцтву зоз предсидательку Туристичного здруженя Руского Керестура нащивели Замок и Музей у єй составе.⁣

Потим рушели ґу найстаршей хижи у Руским Керестуре зоз чию историю их упознал предсидатель Националного совиту Руснацох.