На поволанку предстидателя Влади Републики Сербиї Ани Брнабич, школяре ґимназиї и туристичких наприямох школи „Петро Кузмяк“ зоз Руского Керестура нащивели нєшка Научно-технолошки парк (НТП) на Звездари и зґраду Влади Сербиї. Поволанка пришла после организованей скайп годзини хтору зоз школярами отримала премиєрка, у новембру прешлого року. Школяре и їх професорка математики, Наталия Будински, перше нащивели Научно-технолошки парк на Звездари. Директорка НТП Звездара Ґордана Данилович-Ґркович зоз сотруднїками, представела найзанимлївши проєкти и 3Д штампач, а школяре мали порихтани свойо модели, хтори жадали виробиц на тим штампачу. После того, школяре зоз професорку нащивели зґраду Влади Сербиї, дзе бул орґанизовани обиход прес сали, сали за сходи, як и особи зоз поклонами хтори предсидателє Влади Сербиї добиваю у цеку мандату од рижних шветових людзох. Сотруднїцтво зоз школу зоз Руского Керестура и професорку Наталию Будински, започате у рамикох сходох котри предсидатель Влади и министер просвети, науки и технолошкого розвою орґанизую зоз найлєпшима наставнїками. Премиєрка Брнабич зоз школярами отримала скајп годзину, чий циль було же би ше през нєкаждодньову форму настави, школяре упознали зоз роботу и активносцами Влади и теди школяром пришла идея нащивиц Беоґрад и зґраду Влади.