Школяре шицких класох наприяму туристични технїчар, 5. октобра 2018. року у провадзеню наставнїци Єлени Миркович, Милянич Бояни, Аники Војчена, Ани Вуясин и Зорич Ренати нащивели 51. Медзинародни саям «ЛОРИСТ» у Новим Саду.

Нащива орґанизована у рамикох практичней настави зоз готелиєрского тарґованя а предвидзена є зоз планом роботи наставнїкох.

У рамикох Медзинародного сайму ЛОРИСТ отворени сайми туризма, лову и риболову, еколоґиї и спорта цо школяром була окремна нагода дойсц до квалитетних информацийох вязаних за стручну обласц їх образованя.

Школяре пошли пририхтани на тот саям. Попри друженя и опущеншей атмосфери як у школских лавкох школяре озбильно похопели свойо задлуженя и по менших ґрупох совисно робели на мини проєктох хтори им додзелєли наставнїки.

Шлїдзи анализа їх стручних роботох зоз обласци туризма и остава позитивне искуство як при школярох так и при наставнїкох як єден добри приклад усвоєного теорийского знаня у пракси.