

Нащива школярох пиятих класох нашим першокласнїком нє звичайна нащива. Школяре пиятих класох зоз наставнїцами Златицу Малацко и Кристину Малацко порихтали креативно обдумани дарунок на годзинох гражданского и вирского воспитаня – складанку котра школяром перших класох будзе нагода през бависко, любопитлївосц и заєднїцку роботу одкриц цо ше у нєй скрива.
Таки стретнуца и нащиви представяю мости медзи младшима и старшима школярами, прето же розвиваю друженє, чувство припадносци и пестую дух поваги и заєднїцтва. Наша школа нє лєм место за ученє, алє є и место дзе ше стваряю приятельства, дзеля ошмихи и уча важни животни лекциї.












