З нагоди Шветового дня туризму, школяре оддзелєня II3, напряма туристични технїчар, котрих орґанизовали наставнїци Анико Войчена и Єлена Миркович, реализовали наставну активност унапрямену на применьованє штучней интелиґенциї у туризме и образованю.

Тогорочна тема Шветового дня туризма „Диґитална аґенда и штучна интелиґенция за редизайнованє туризма“ отворела простор за упознаванє школярох зоз можлївосцами котри сучасни диґитални технолоґиї даваю у планованю путованя, креированю туристичних понуканьох и прилагодзованю услугох потребом розличним профилом путнїкох.

През практичну роботу, школяре хасновали ШИ алати за обдумованє туристичних понуканьох, учели як формуловац квалитетни prompt-и, критично проценїц достати информациї, як и самостойно принєсц одлуки о конєчним змисту понуканя.

Циль активносци бул же би школяре нє були лєм хаснователє нових технолоґийох, алє же би розвивали диґитални компетенциї, критичнє думанє и професионални схопносци нєобходни за будучносц туризму.