У периодзе од мая по септембер 2025. року, Основна и штредня школа зоз домом школярох „Петро Кузмяк“ успишно применєла стандард системи менаджмента ИСО  9001:2015  квалитетом у своїм дїлованю.

У тим процесу, школа окончела детальне мапованє процедурох и усоглашела шицки сеґменти роботи зоз вимогами спомнутого стандарду. Заняти прешли обуки котри оможлївя дошлїдне провадзенє преписаних процедурох и нєпреривне унапредзованє роботи установи.

Зоз применьованьом ИСО стандарда, школа поставела тварди фундамент за будуци унапредзеня у шицких обласцох свойого дїлованя. Попри того, у рамику системи менаджмента зоз квалитетом, додатно усоглашена и постояца применка ХАССП системи управяня зоз безпечносцу єденя.

Проєкт применьованя системи менаджмента зоз квалитетом финансовани з боку Покраїнского секретарияту за прописи, управу и национални меншини – национални заєднїци.