Соботу 11. фебруара у КПД Карпати у Вербаше дружели зме ше на роботнї Кухня то школа и вихасновали зме нагоду присутним дзецом котри уча руски, українски и мадярски язик представиц и керестурску школу ,,Петро Кузмяк”.

Направена промоция школи и дома през приповедку о можлївосцох школованя на руским и сербским язику и змесценя до интернату у Руским Керестуре. Указани им промотивни материял нашей школи, препоручене им опатриц сайт школи, ФБ бок и инстаґрам. Учителька Савица Мали достала промотивни плакати за упис до нашей школи же би их положела до професийного куцика у школох у котрих роби.