Нєшка нашо осмаки Саня, Лана, Иван, Андрей, Марко, Теодор и Алекса вєдно зоз свою професорку физики Паулину Рац участвовали у проєкту «Лєпша енерґия». У рамикох того проєкта реализована едукативна роботня у сотруднїцтве зоз Електротехнїчним факултетом. Тема роботнї, хтора отримана у ОШ «Петефи Бриґада» у Кули, значносц енерґетскей ефикасносци и обновююцих жридлох енерґиї. На концу роботнї шицки школяре бавели Кагут квиз дзе Марко Колошняї указал одличне знанє и завжал друге место. Можеме шлєбодно повесц же нєшка цошка нове научели!