У рамику проєкту „Афирмация мултикултурализма и толеранциї у Войводини”, 30. мая у Жовтим салону Покраїнскей влади, шветочно уручени награди за найлєпши подобово и фотоґрафски роботи на тему „Символи Велькей ноци”. Од 56 приявох з роботами на конкурс ФЕСАП 2023, вибрани и наградзени 3 подобово и 3 фотоґрафски роботи. Перша награда за найлєпшу подобову роботу припадла Кристини Рамач, школярки II-б оддзелєня зоз ОШ „Петро Кузмяк” з Руского Керестура.

За свою роботу Кристина достала 1. место, диплому и телефон. Велька радосц и же зоз Кристину ишли єй учителька Веруна Медєши и тато Владислав. Винчуєме!