Вовторок, 1. септембра, з окремну радосцу и ошмихами привитали зме наших наймладших школярох. Шветочному приєму присуствовали родичи и родзина, а наших першокласнїкох поздравели директорка школи Наталия Будински, заменїца директорки Любица Няради, педаґоґи Наташа Колесар и Марина Дудаш, учительки Мария Колошняї и Лидия Милеуснич и учитель Марко Новакович.

Зоз заєднїцким намаганьом и повагу жадали зме же би приєм у школи бул виполнєти зоз радосцу, чувством безпечносци и припаданя.

Жадаме же би наша школа нашим першокласнїком була други дом – место дзе ше учи, рошнє, здобува нових товаришох и дзе ше з ошмихом приходзи кажди дзень. Окремне место у їх перших школских крочайох будзе мац и предлужене пребуванє, котре нашим школяром сиґурне, миле и приємне окруженє пред и по настави, а буду их провадзиц учителька Тамара Штранґар и учитель Деян Будински.

Щешлїви початок школованя, мили першокласнїки! Най вам школски днї буду виполнєти зоз знаньом, друженьом, бависком и вельочисленима краснима памятками.