У рамикох проєкта Петро Кузмяк АЛУМНИ Здруженє гражданох руСТЕМ, 21. новембра, прейґ плаформи Zoom орґанизoвало перши виртуални сход бувших школярох Ґимназиї Петро Кузмяк з Руского Керестура. Проєкт потримує Покраїнски секретарият за образованє прeдписаня, управу и национални меншини-национални заєднїци.

Циль сходу бул же би ше зишли бувши школяре и пречерали становиска о образованю у Руским Керестуре зоз своїх перспективох. Идея же би ше мотивовали алумнисти у розпатраню образованя у Руским Керестуре хторе ше находзи пред велїма виволанями ґлобалного и локалного характеру.

У приємней атмосфери уключели ше коло 30 алумнисти як зоз Керестура, так и зоз других местох, та аж и других державох. Вони предискутованє  найвецей о подзвигованю свидомосци о значеню Школи як за Руски Керестур, так и ґеренално за локалну и руску заєднїцу.

Спатрени и проблеми наставного кадру на руским язику, можлївосци промоциї и векшого уключованя алумнистох до активносцох Школи. Понеже то перше стретнуце, порадзене же би таки стретнуца требали буц частейши, чи виртуално чи на живо, док ше створя условия.

Сход бул отворени и могол ше кажде приключиц, а так ше планує же би було и надалєй.

Фото — Рутенпрес