🧑‍🎓Школяре першей, другей и трецей класи напряма туристични технїчар, вєдно зоз наставнїцу италиянского язика Ґордану, означели Дантеов дзень, 25. марца. То дзень пошвецени италиянскому поетови Дантеови Алиґиєрови.

🇮🇹 З тей нагоди школяре порихтали интересантни презентациї на италиянским язику, котри зоз вельким ентузиязмом и сиґурносцу представели своїм парняком и указали креативносц, виглєдовацки дух и интересованє за италиянску културу и кнїжовносц.

Означованє Дантеового дня допринєсло тому же школяре преглїбели знаня о италиянским язику и култури, як и розвили самодовириє у висловйованю на страним язику.🌟