1. У проєкту ,,Млади –закон,, Министерства младежи и спорта у организациї Младих виглєдовачох Сербиї святочно означени Дзень волонтираня на нивоу держави у Београдзе. На преславу поволани организаторе медзинародних волонтерских кампох у Сербиї як и волонтере котри участвовали у реализациї истих. На тей преслави зоз нашей школи участвовали Марко Буила, Тереза Будински, Ивана Планчак и Емилиян Няради котри участвовали на медзинародних кампох у иножемстве и на медзинародним кампу у Руским Керестуре под назву ,,За крсши Руски Керестур 2018.,,
2. У организациї Червеного крижу Войводини, а прейг Червеного крижа зоз Кули нашо школяре волонтере Ивана Веселинович, Марина Надь и Сара Планчак участвовали на тродньовей едукациї за волонтерох Червеного крижа у Бачкей Паланки – 5.12.-7.12.2018.

Школяре волонтере пришли зоз краснима упечатками зоз преслави и едукациї, а до тих активносцох их уключела педагогиня штреднєй школи Любица Няради длугорочни волонтер Червеного крижу и организатор медзинародного волонтерского кампу у Руским Керестуре.