Соботу, 19. фебруара, отримане Општинске змаганє у шаху у Основней школи „Иса Баїч” у Кули. Змаганє орґанизовало Министерство просвити, науки и технолоґийного розвою и Шаховски союз Сербиї. Школяре наступали по класох, окреме хлапци и дзивчата. На змаганю хасновали годзинку и кажди бавяч бавел 15 минути, а школяре бавели зоз шицкима бавячами у своєй катеґориї. Зоз нашей школи участвовали шесцеро школяре, хторих провадзел наставнїк Зденко Шомодї, и посцигли одлични резултати.

У пиятих класох, од хлапцох перше место завжал Исак Новта, а Тони Орос шесте место. Од дзивчатох перше место завжала Валентина З. Гарди, друге Ксения Катрина, а треце Валентина В. Гарди. Дарко Колошняї зоз седмей класи завжал треце место.

На Окружне змаганє пойду по тройо першопласовани школяре зоз каждей катеґориї, а зоз нашей школи ше буду змагац пецеро школяре, хторих тиж будзе провадзиц наставнїк Зденко Шомодї.