Тогорочна општинска смотра у рецитованю отримана 30. марца, прейґ видео знїмкох рецитаторох. На смотри участвовали седмеро рецитаторе зоз нашей школи, хтори були прешлорочни побиднїки на месней смотри у рецитованю.
Селектор Миодраґ Петрович и фахови консултатнт за руски язик Амалия Ковач на окружне (зонске) змаганє вибрали шесцерих рецитаторох зоз керестурскей школи. У младшим возросту пласман на зону освоєли Доротеа Рамач и Исак Новта, у штреднїм возросту Ема Живкович и Иван Планчак, а у найстаршим возросту Минеа Югас и Валентина Новта. Попри нїх на општинскей смотри участвовала и Яна Варга. Рецитаторох за смотру пририхтали Наталия Зазуляк, Оленка Живкович и Ивана Дудаш.