На окружним змаганю зоз технїчного и информатичного образованя — «Цо знаш о транспорту?» у Сомборе 7. мая, школа Петро Кузмяк зоз Р. Керестура мала трох змагательох. Леонела Цифрич и Иван Рац у катеґориї Б (10-12 роки) и Даяна Рац у катеґориї Ц (13-15 роки). Вкупно було 24 змагательох зоз вецей општинских змаганьох хтори подпадаю под Зомборски округ.

Змаганє ше состояло зоз трох часцох: тестиранє (100 боди), транспортни полиґон (100 боди) и полиґон схопносци (100 боди). Резултати школярох керестурскей школи – за паметанє: У катеґориї Б перше место завжала Леонела Цифрич (286 боди), друге место Иван Рац (283 боди). Даяна Рац у катеґориї Ц завжала друге место (288 боди). Школяре достали специялни награди: Леонела бициґлу FALCON GALAXY, a Иван и Даяна таблет PC –TESLA L7.

Таки успих зоз технїчного и информатичного обраяованя наша школа у своєй историї ище нє мала.

Шицки тройо школяре ше пласовали на републичне змаганє.