Септембра 21. у Суботици у Городскей хижи було обучованє за управянє и програмованє дронох на котрей присуствовал и наставнїк зоз нашей школи Зденко Шомодї. Наша општина основним школом подзелї дрони у Кули 28. септембра. Иншак, наменєни су як наставне средство пиятим и шестим класом, першенствено информатики, алє их годни и други хасновац. Управянє може буц з помоцу апликациї зоз Play Store-у, а тиж так их мож и випрограмовац, и теди окончую крочаї по написаним коду (у Scratch-у за пияти класи, а у Python-у за шести класи). Предвидзени су за нукашнї простор и то добре ошвицени. Автономия батериї 13 минути, можу ше полнїц и доставаю ше три батериї.