Наша школа була екипно перша спомедзи пейц школох на Општинским змаганю „Цо знаш о транспорту” зоз 586 бодами, хторе отримане 9. априла у ОШ „Иса Баїч” у Кули.
Поєдинєчно од осмерих змагательох з нашей школи шесцеро освоєли дипломи.
У б катеґориї (до 12 роки) хлапци – треце место подзелєли Звонимир Мудри и Марко Драґутинович, а змагали ше и дзивчата Кристина Сопка и Тияна Сабадош.
У ц катеґориї (13 або вецей роки) хлапци – треце место подзелєли Лука Фа и Алекса Сопка, док при дзивчатох друге место завжала Елена Шомодї, а треце Лана Шомодї.
На Окружне ше пласовала лєм Елена Шомодї, понеже лєм перши двойо змагателє зоз каждей катеґориї иду далєй.
За змаганє их пририхтал наставнїк Зденко Шомодї.