Наставнїци Лїляна Фина и Аника Войчена присуствовали отвераню вистави „Ана Франк – история за терашньосц“ котру орґанизовали универзитетска дебатна мрежа зоз Беоґраду „Отворена комуникация“, Хижа Ани Франк зоз Амстердаму и Економско-тарґовацка школа у Кули. Едукативна вистава наменєна першенствено школяром штреднїх школох.

На вистави виложени 32 панои котри подписує Хижа Ани Франк (Амстердам), а приноша приповедку о напредованю нацизму и обставинох котри приведли до Другей шветовей войни, єй цеку и законченю, паралелно представяюци судьбу фамилиї Франк. На додатних седем паноох приказани збуваня зоз войновей и повойновей Югославиї. Порученя паноох толкую школяре школи.

През виставу ше анализую историйни обставини и идентификую кризни дружтвени ситуациї котри плодне тло за инициранє и розпирйованє воєних зраженьох.