Пияток 25.10. школяре и професоре нашей школи нащивели Народни и  Етноґрафски музей у Беоґрадзе. Нащива планирана у рочним плану школи же би зме розвивали любов ґу уметносци, же би зме школяром оможлївели стретнуце зоз важнима дїлами, сликами и традицию. Нащивели зме стаємну поставку у Народним музею дзе школяре могли видзиц дїла домашнїх и иножемних сликарох. У Етноґрафским музею зме видзели розкош и красоту народних ношньох, ридки предмети зоз прешлосци як и випатрунок хижох и просторийох зоз часу наших предкох. Школяре и професоре уживали у наисце вредней нащиви тому културному скарбу.