Пияток у Кули орґанизовани фестивал „Вочи науки” котри позберал школярох, любительох и професионалцох швета науки. У орґанизациї Образовного центру „Сократ” и Туристичней орґанизациї општини Кула, и у сотруднїцтву зоз 25 промотерами науки зоз рижних обласцох пририхтана богата програма.

Нашо основци и штредньошколци нащивительом приказали розлични експерименти, роботнї и роботи зоз физики, хемиї, математики, биолоґиї, технолоґиї, информатики и др. Велька нащивеносц секциї нашей школи указує кельо пошвецена робота школярох и наставнїкох препозната и у очох нащивительох.

Циль фестивала „Вочи науки” же би шицким ґенерацийом представел важносц науки и технолоґиї и же би ше пребудзело интересованє младих за науково обласци на интересантни и инспиративни способ.