У Доме школярох 27. септембра зоз роботню „Кельо язики знаш, тельо вредзиш“ означени Европски дзень язикох за школярох руских оддзелєньох ґимназиї и школярох зоз Дому школярох.

На роботнї професорки руского язика Тамара Хома и Люпка Малацко презентовали руски язик и його место у фамелиї европских язикох, историю язика, а Любица Няради, воспитачка у Дому, представела значносц руского язика у професийней роботи. През тоту роботню Мария Горнак читала вибрани стихи Гавриїла Костельника зоз идилского венца „З мойого валала“.