Оддзелєнє треце два ґимназиї „Петро Кузмяк” 17. октобра вєдно зоз своїм оддзелєньским старшином Лїляну Фину участвовало  на традициойних шестих Дньох бундави у Кули.

Школяре, вєдно зоз своїма родичами, напекли смачни колачи хтори предавали по вигодних ценох. Шицки колачи були розпредати, а пенєж хтори заробели уплаца як гуманитарну помоц. Каждого року наша школа орґанизує и одволує ше на рижни гуманитарни акциї. Тогорочне предаванє колачох представя добри приклад сотруднїцтва Школи и локалней заєднїци, змоцнює школярох же би прилапели активну улогу у дружтвених активносцох коло себе, а тиж их и пририхтує за наиходзаци Новорочни вашар хтори ше уж по традициї орґанизує у Школи.