Зоз цильом цо ефикаснєйшого уключованя до сучасних формох ученя и жаданю помогнуц малим матурантом обновиц ґрадиво од пиятей по осму класу, Радио- телевизия Войводини од ютра, 1. априла почнє на своїм сайту обявйовац видео прилоги задаткох зоз седем предметох, зоз котрима будзе облапене ґрадиво за покладанє малей матури.

На сайту rtv.rs, у часци «Диґитални пририхтованя за малу матуру», школяре буду мац нагоду каждого роботного дня поглєдац вибор од три до вкупно двасто задаткох зоз математики, мацеринского язика, биолоґиї, хемиї, физики, ґеоґрафиї и историї.

Задатки пририхтани зоз Збирки за приприхтованє малей матури од предходних рокох и емитовани су у рамикох емисиї «Я виберам», Програми за дзеци и младих, през три сезони.

Викладаче наставнїки основних и штреднїх школох, як и факултетох, а кажди задаток, зоз толкованьом викладачох, провадзени зоз анимировану илустрацию котра школяром помага же би ше здогадли фактох и уж усвоєних знаньох.

На таки способ Покраїнски явни сервис жада висц вочи наставнїком и школяром, насампредз тим зоз закончуюцих класох и оможлїви им же би на єдноставни и доступни способ обновели знанє зоз ключних предметох.