Штверо школяре нашей ґимназиї препровадзели два тижнї у Швайцарскей, у рамикох черанки у Песталоци валалє!

Од 22. априла по 6. май участвовали на роботньох о идентитету, толеранциї, стереотипох и предрозсудкох, и мултикултуралносци, упознали парнякох зоз Сербиї и БиГ и черали идеї и искуства.

Викенди були резервовани за вилєти — нащивели Луцерн, Цирих, Женеву, Сент Ґален, Констанц у Нємецкей, водопади на Райни и наукови центер Технорама.

Врацели ше полни з упечатками, новима товаришствами и зоз ширшима попатрунками на швет!