Титулу школяра ґенерациї, як єй и саме мено гутори — достава лєм єден школяр у цалей ґенерациї. Tого року ю подполно заслужено достал Теодор Штранґар, школяр VIII-а класи.

Упарти посцигнуц свой циль, нїґда нє одуставал од нього.

Вредни, мудри, одвичательни, aмбициозни и у дньовнїку од самого початку сами петички. Одлични зоз шицких предметох. Його любопитлївосц, упартосц и жаданє за знаньом були му главна мотивация за тот успих, а тиж так представял инспирацию за шицких своїх парнякох. Вше мож на ньго раховац и вше порихтани каждому помогнуц. Дзечнє участвовал на школских и звонкашколских активносцох дзе ше визначовал зоз свою креативносцу. Успишно виполньовал шицки задатки хтори му були поставени.

Бул успишни на велїх змаганьох од школского по републични уровень, а окреме ше визначел зоз шлїдуюцих предметох: руского язика, сербского як нємацеринского язика, математики, хемиї, физичного воспитаня.

И на концу тота награда за Теодора то награда за його труд и упартосц. Теодорови жадаме вельо успиху у предлуженю його школованя.