Професорки Валентина Русковски и Тамара Будински вєдно зоз директорку нашей школи, Наталию Будински, пред двома тижнями були на студийним путованю у Словацкей у Краснохорским Подграду у рамику Еразмус плус проєкта «ALL Inclusive».

Вони зоз колеґами зоз Словацкей, Румуниї, Польскей и Чешкей мали нагоду же би почерали искуства о инклузивним образованю, як и же би нащивели локалну школу. Знаня котри здобули барз хасновити и применлїви, окреме прето же наша школа пририхтує апликацию за модел установу у инклузивним образованю.