Стреду, 12. юния у нашей Школи, у рамикох секциї кодованя, школяре трецей и штвартей класи участвовали у роботнї котру отримали наставнїца информатики Наташа Джуджар и учитель Марко Новакович.

З тей нагоди, наставнїца школяром представела програмски язик Скреч, як можлївосц уходу до швета програмованя, а з подобнима активносцами школяре уж упознати на секциї.

То нє єдина роботня и активносц, прето же у нашей Школи модерни приступ настави применюю шицки, од першей класи основней по штредню – настава ше одвива у модерних кабинетох, присуство рахункара каждодньове.

Модернизацию настави запровадзую шицки: учительки, наставнїки, професоре, прилагодзуюци ю каждому школярови. За таку роботу маме потримовку нашей директорки Наталиї Будински, котра вше за модерни приступ настави и образованю.