При нїзших класох основней школи прешлого тижня були рижни активносци:

— Школяре Ia оддзелєня 12. децембра нащивели валалску библиотеку у хторей их дзечнє дочекала библиотекарка Мария. Понукла им кнїжки на руским и сербским язику за їх возрост и з радосцу будзе чекац їх нащиву.

— Здобуванє нових знаньох: У основней школи „Петефи бриґади“ у Кули, 16. децембра, ДУОК — Дружтво учительох општини Кула орґанизовало семинар „Моц талантованих школярох“ — крочай далєй на хторим участвовала и ґрупа учителькох з нашей школи.

— Пияток, 15. децембра, школяре 1. и 2. класох уживали у рисованим филму.