Вчера нашо школяре започали фахову наставу по службох у трох готелох: Egnatia, Egnatia Palace i Esperia, дзе мали нагоду робиц у динамичним готелским окруженю котре их обчекує и у наиходзацим периодзе.

После обавених роботних задаткох, док мали шлєбодни час, превожели зме ше по солунским метроу, єдним од найновших европских метро системох. Метро станїца Venizelou у Солуну єдна од найзначнєйших археолоґийних метро станїцох на швеце, прето же функционує и як своєфайтови музей. Под час будованя метроа, одкрити пасма историї котри датую ище зоз византийского и римского периоду. Место же би премесцели пренаходзеня, тота станїца претворена до музею.

Робиме, учиме и виглєдуєме! Провадзце нас за нови упечатки!