Наставнїки „Петро Кузмяк” школи пред двома тижнями реализовали студийне путованє до Мадярскей, як часц проєкта за здобуванє статусу модел установи за инклузивне образованє котре потримує Министерство просвити и УНИЦЕФ.

У рамику того путованя наставнїки, директорка школи и управнїца дома школярох нащивели сербску ґимназию „Никола Тесла” у Будимпешти дзе мали нагоду упознац ше зоз роботу тей школи, як и зоз специфичносцами мадярского образовного систему.