Школяре II₃ оддзелєня, туристични технїчаре, мали нагоду же би у рамику блок настави нащивели готел Mio City у Кули.

Заняти у готелу их любезно дочекали и дали детальни увид до роботи рецепциї, процесу резервованя, файти хижох и шицки додатни содержаї. Школяре обишли конґресну салу, ресторан, wellness и спа центер, як и базени.

Тота нащива була драгоцина нагода же би школяре здобули практичне знанє о водзеню роботи у готелу и орґанизациї роботи у угосцительстве. Готел Mio City охабел моцни упечаток на шицких присутних!

Дзекуєме занятим у готелу котри були любезни же нас сердечно дочекали и видвоєли час же би нашим школяром дали вредне искуство!

Опатьце слики котри направели нашо школяре и дожийце часц атмосфери!