Стреду, 10. юлия, нашу Школу и наш валал нащивели тринацецеро дзеци од 1. по 4. класу основней школи зоз Ґрацу, з Австриї, вєдно зоз своїма учительками, алє и дзецми зоз Тополї и валалу Ґараши при Арандєловцу.

Нащива отримана през медзинародни проєкт „Шерцо шерцу“ у сотруднїцтве Дружтва учительох Општини Кула зоз Здруженьом гражданох „У фарбох дзецох“ и Здруженьом родичох зоз Зомбору.

Дзеци дочекали директорка Наталия Будински, учительки Веруна Медєши и Марияна Коларич, и педаґоґа Любица Няради. Шицки уживали у шлїдуюцих активносцох: нащива музею „Замок“ и Националного совиту Руснацох; у нашей Школи мали нагоду видзиц представене руске дзивоцке и леґиньске свадзебне облєчиво. Потим, у обисцу педаґоґи Любици Няради, отримана роботня правеня пирогох и наставок друженя.

На концу, каждому госцу, як дарунок, домашнї даровали наш облюбени дзецински часопис „Заградка“. Дзекуєме на нащиви и радуєме ше будуцим стретнуцом.