Нашо туристични технїчаре лєца ґу новим знаньом!

Туристични технїчаре нашей школи, учашнїки у Erasmus+ проєкту, позавчером одпутовали на авиону до Солуну на фахову праксу! Циль тей мобилносци то усовершованє у обласци городского туризму, розвой диґиталних и технїчних компетенцийох, унапредзенє язичних схопносцох и здобуванє културней свидомосци през роботу у готелох и хаснованьом сучасних алатох у туризму.

Їх роботу будзе координовац професор фахових предметох, Милянич Бояна, зоз провадзеньом оствареносци цильох ученя, док Аника Войчена у рамику того проєкта медзинародного сотруднїцтва будзе участвовац у програму фахового усовершованя наставнїкох през образовни мрежи ширцом Европи.

Вериме же нашо школяре здобуду драгоцини фахово знаня, укажу свойо схопносци и зоз собу принєшу искуства котри им формую будучносц!

Провадзце нас за вецей новосци зоз Солуну!